Казакстандык интернет колдонуучу митингдеги сүрөттөрдүн баянын башка нукка буруу менен көпчүлүктүн көңүлүн бурду

Ушул жылдын 9-июнь күнү Казакстанда президенттик шайлоо өттү. Мамлекетти дээрлик 30 жыл башкарган Назарбаевдин мураскору Касым-Жомарт Токаев 7 талапкердин ичинен жеңүүчү болуп чыкканы таң калычтуу болгон жок. Бирок шайлоо массалык нааразычылык акциялар жана митингдер менен коштолду. Өлкөнүн Нур-Султан, Алматы жана Шымкент шаарларында жүздөгөн адамдар көчөгө чыгып, "Алга Казахстан", "Бостандык!", "Бойкот!" деп кыйкырып жатышты. Бул акциядан көп эле сүрөттөр жарыяланып жатты.

Анын арасында социалдык тармактын Reichsbürger деп катталган колдонуучусу сүрөттөргө өзгөчө сүрөттөө жазуу менен көпчүлүктүн көңүлүн бурду. Ал 9-июндагы гана сүрөттөрдү эмес, ага чейин да болуп өткөн нааразычылык акцияларда объективге түшүп калган көрүнүштөрдү топтогон. Кызыгы, сүрөткө баяндаманы окуянын карама-каршы жагына багыттап жазган. Мисалы, митингге катышкан кызды тартип сакчылары кармап бараткан учурду ал: "Кыз чуркап бара жатып пейнтбол ойноп жаткан жигиттердин жанына жеткенде жыгылып түштү. Камкор чоочун адам анын буту оорубашы үчүн ошол жерин үйлөп, ал тургай өпкөнү жатат", - деген.