Москвада жүргүнчүсүн зордуктап, ага үйлөнө турганын убадалап, кийин изин жашырып кеткен таксист изделүүдө

Москвада жүргүнчүсүн зордуктап, ага үйлөнө турганын убадалап кийин изин жашырып кеткен таксист изделүүдө. Бул тууралуу бүгүн, 17-июнда орусиялык маалымат каражаттары жазып чыкты.

Маалыматка ылайык, окуя мындан бир нече күн мурун болгон. Анда 19 жаштагы жүргүнчү кызды үйүнө жеткирип бара жаткан таксист орто жолдон зордуктап койгон.

"Жабырлануучу таксист аны сөзгө тартып, жеке жашоосу тууралуу суроолорду бергенин айткан. Кийин орто жолдон айдоочу унааны ээн талаага айдап барып токтотуп, кызды зордуктаган. Кийин ага үйлөнө турганын айтып, телефон номурун таштап кеткен. Эртеси күнү таксист жабырлануучунун апасына келип, ага баш кошоорун билдирген. Бирок андан кийин байланышка чыкпай, дайынсыз жоголгон. Жабырлануучу арыз менен полицияга кайрылган. Учурда таксистти издөө иштери жүрүүдө", - деп айтылат маалыматта.