"Nike" фирмасынын жаңы чыккан бут кийимдери айымдарды кыжырлантты

Спорттук кийимдерди чыгарган "Nike" фирмасы айымдарга арналган жаңы спорттук бут кийимдерди чыгарды. Бул тууралуу чет элдик маалымат каражаттары жазып чыгышты.

Маалыматка ылайык, айымдарга жаңы чыккан бут кийим жаккан эмес. Сатып алуучулардын билдиргенине ылайык, Nike Air Max FF 720 бут кийими өзүнүн сырткы көрүнүшү менен үтүккө окшош. Интернет айдыңында фирмага нааразы болгон кыз-келиндер көбөйүп кеткен.

Твиттер социалдык тармагында "эми биз үтүктү бутубузга кийишибиз керекпи?" , "Феминисттер бул бут кийимди көрбөсүн" деген өңдүү билдирүүлөр жазылган.

Nike Air Max FF 720 сатыкка 20-июндан тарта чыгат. Спорттук бут кийим кара жана боз түстө чыгат. Бут кийимди жарнамалоого кыз-келиндер арасындагы футболдун жылдызы Фрэн Кирби жана теннисчи Лаура Робсон катышкан.