Супер-Инфо
super.kg видео
Ангела Меркелдин денесин калтырак басып, аз жерден жыгылып кала жаздаган видеосу тарады
Германиянын канцлери Ангела Меркель Украинанын президенти Володимир Зеленский менен жолугушууда денесин калтырак басып, аз жерден жыгылып кала жаздады. Бул тууралуу чет элдик маалымат булактары жазып чыгышты.
Маалыматка ылайык, канцлер менен Украинанын президенти 18-июнда салтанаттуу иш-чарада жолугушкан. Анда Ангела Меркель Зеленскийди тосуп алып, делегация мүчөлөрү менен тааныштырган соң өлкөнүн гимни жаңырып баштаган.
Ошол убакта канцлердин колдору калтырап, сыр билгизбөөгө аракет кылганы байкалат. Турган жеринен жыгылып кете жаздаганга чейин барып, бирок өзүн кармап калган. Анын бүткөн бою калтырап жатканы видеодо даана байкалган. Бирок бул жагдайды жанында турган президент Володимир Зеленский байкаган эмес.
Андан соң маалымат жыйынында канцлер журналисттердин "абалыңыз жакшыбы?" деген суроосуна "мен бир канча бөтөлкө суу ичтим, азыр абалым абдан жакшы" деп жооп берген.
Денесин калтырак басып, жыгылып кала жаздаган Ангела Меркель
0
Владимир болуп жазылат. Башка олколор Володимир деп жазышпайт, алар деле билишет паспортунда Володимир деп жазылганын, бирок, алар Владимир деп эле жазылат.
Володимир деп Украинада эле айтылат, эмнеге ушуну тушунбойсунор. Тилди, улутту, Кыргыз республикасынын бутундугун коргосонор боло. Украин болуп кетпей.