"Менде бул жакта күлкүлүү нерсе бар. Көрүүнү каалайсыздарбы?". Украинанын президенти Володимир Зеленский журналисттерге иш бөлмөсүн көргөздү

Украинанын президенти Володимир Зеленский администрациясындагы иш бөлмөсүн журналисттерге көрсөттү. Бул тууралуу чет элдик маалымат булактары видео жарыялады.

ЖМК кызматкерлери менен сүйлөшүп жатып мыйзам боюнча иш бөлмөсүн көрсөтүүгө болобу же болбойбу ал тууралуу билбей турганын айтып, видеону андан ары уланткан.

"Менде бул жакта күлкүлүү нерсе бар. Көрүүнү каалайсыздарбы?" - деди ал журналисттерге.

Украина лидери журналисттерди чач-тарач бөлмөсүнө баштап барган. Ал бул нерсени көрүп таң калганын айткан. Ошондой эле Зеленский стилисттин кызматын колдонуудан баш тартарын, "үйдөн эле жуунууга болот" деп президенттин администрациясында эмне себептен душ орнотулганын түшүнбөгөнүн айткан.