"Юбка кийип ал!" Аида Салянованын туугандары ага каршы көрсөтмө берген мурдагы атайын прокурорду жемеледи

Бүгүн, 21-июнда Бишкек шаарынын Биринчи Май райондук сотунда кримтөбөл Азиз Батукаевдин мыйзамсыз абактан бошотулушу боюнча экс-прокурор Аида Салянованын баш коргоо чарасы каралат.

Соттук отурум саат 15:00дө башталмак, бирок 2 жарым сааттан бери баштала элек. Муну райондук соттон Аида Салянова сотко алынып келе электиги менен түшүндүрүшүүдө.

Сотко Аида Саляновага каршы көрсөтмө берип, үй камагына чыгарылган ошол кездеги атайын прокурор Майрамбек Акматалиев келди. Буга Салянованын тарапташтары нааразычылыгын билдиришти. "Юбка кийип ал!", "Аял башы менен отурат!" деп кыйкырынып ага жулунушту.

Аларды соттун кызматкери "анан чыкканда чечишип аласыңар" деп тынчтыкка чакырды.