Кыргыз Премьер-Лигасы: "Алай" "Дордойдон" 6 упайга ашты

Футбол боюнча өлкө чемпиондугу - Кыргыз Премьер-Лигасында 22-23-июнь күндөрү 11-турдук оюндар жыйынтыкталды.

Мелдештин расмий сайты билдиргендей, оюндар Кант, Кочкор-Ата жана Кара-Балта шаарларында болуп өттү. Чемпиондуктун лидери "Алай" "Акадлемия-Лидер" командасын конокто 3:1 эсебинде жеңип алды. "Илбирс" командасы Кочкор-Ата шаарында "Нефтчини" 3:1 эсебинде утса, "Абдыш-Ата" конокто "Кара-Балтаны" 1:0 эсебинде жеңди.

Бул турдун оюнун "Дордой" менен "Алга" апрель айында ойноп коюшкан. Анда 1:1 эсебинде тең чыгышкан.

22-июнь.

"Академия-Лидер" - "Алай" - 1:3

Голдор: Талантбеков (14-мүнөт) - Ахматалиев (28-мүнөт), Субанов (33-мүнөт), Кельм (78-мүнөт).

"Нефтчи - "Илбирс" - 1:3

Голдор: Алимов (31-мүнөт) - Нусубалиев (4-мүнөт), Данияров (39, 74-мүнөттөрдө).

23-июнь.

"Кара-Балта" - "Абдыш-Ата" - 0:1

Гол: Жумалиев (88-мүнөт)

Турнирдик жадыбал: