Германияда табылган 670 килограмм баңги заты. ИИМ "Элит Шоко" кондитер цехине тинтүү жүргүздү

Германия менен Польшанын чек арасынан аткезчилик жолу менен ташылып бара жаткан 670 килограмм баңги заты табылып, жүктү алып бара жаткан унаа Кыргыз өлкөсүнөн чыкканы айтылган.

Бул боюнча 20-июнда Бишкектеги "Элит Шоко" кондитер цехинин ээси Аида Жолдошева суракка чакыртылганын ИИМдин басма сөз кызматы кабарлаган. Ал эми бүгүн, 24-июнда Ички иштер министрлиги аталган цех кызматкерлер тарабынан тинтүүгө алынганын айтып, бирок кошумча маалымат билдирген жок.

Окуянын чоо-жайы:

Кыргыз өлкөсүнөн чыккан жүк ташыган унаа 31-майдан 1-июнга караган түнү Германиянын Франкфурт аймагынан текшерүүгө алынып, унаада 670 килограмм баңги заты табылган. Таңгакталган жүктө "Түркиянын балы" деп жазылган. Жалпысынан 531 таңгак текшерилип, анын ар биринде 1,3 килограмм баңги заты болгон.