Абайлаңыз! Өзбек жана Тажик өлкөлөрүнөн алынып келген дарбыз жана коондордо нитраттын өлчөмү нормадан жогору экени аныкталды

Өзбек жана Тажик өлкөлөрүнөн алынып келген дарбыз жана коондордо нитраттын өлчөмү көп экени айтылууда. Буга катар Мамлекеттик ветеринардык жана фитосанитардык инспекциянын жетекчиси Калыс Жумакановдун Айыл чарба, тамак-аш өнөр жайы жана мелиорация министрлигине жөнөткөн каты жарыяланды.

Бул тууралуу инспекция жетекчисине кайрылганыбызда чындап эле текшерүү учурунда Кыргыз өлкөсүнө киргизилген дарбыз жана коондордогу нитраттын өлчөмү нормадан ашык болуп чыкканын тастыктап буларды билдирди:

"Текшерүү учурунда киргизилген дарбыз жана коондордо нитраттын өлчөмү нормадан 3 эсеге көп экени аныкталган. Бул нерсе жарандардын ден-соолугуна коркунуч туудурат. Буга байланыштуу инспекция Өзбек жана Тажик өлкөлөрүнөн киргизилип жаткан коон жана дарбыздарды кылдат текшерүүгө алууну суранып тиешелүү органдарга кайрылган", - дейт Жумаканов.