Бишкектин Калыс-Ордо жаңы конушунда зордуктоо кылмышына шектелип 50 жаштагы жаран кармалды

4-августта Бишкек шаарынын 27 жаштагы Н.Г. аттуу тургуну милицияга арыз менен кайрылып, саат 05:00 чамасында Калыс-Ордо жаңы конушунда белгисиз бирөө күч колдонуп зордуктаганын айткан. Арыздын негизинде Биринчи Май РИИБинин кызматкерлери ыкчам чара көрүшүп, кылмышка шектүү жаранды колго түшүрүштү. Ал Бишкек шаарынын 50 жаштагы М.К. аттуу тургуну болгон. Учурда иликтөө иштери жүрүүдө.