Эртең байдарка жана каноэ менен ар кандай аралыкка сүзүү боюнча өлкө чемпиондугу башталат

Эртең, 28-июнда байдарка жана каноэ менен ар кандай аралыкка сүзүү боюнча өлкө чемпиондугу старт алат. Бул тууралуу дене тарбия жана спорт мамлекеттик агенттигинин басма сөз кызматы билдирди.

30-июнга чейин Чүй облусундагы "Ала-Арча" базасында боло турган ачык чемпиондукка Кыргыз жана КМШ өлкөлөрүнүн күчтүү спортчулары катышат.

Мелдештердин программасы:

Уландар: К1, К2 – 200; 500; 1000 метр.

К4, С2 – 200 метр.

С1 – 200; 500; 1000 метр.

Кыз-келиндер: К1 – 200; 500 метр.

Кыргыз өлкөсүнүн ачык чемпиондугун спорттун олимпиадалык түрлөрү боюнча дирекция жана кайык менен сүзүү федерациясы биргелешип өткөрүп жатышат. Уюштуруу иштерине бюджеттен 33 миң сом каралды.