Дубайдын башчысынын аялы ири суммадагы акча менен өлкөдөн качып кетти

Бириккен Араб Эмираттарынын премьер-министри, Дубайдын башчысы шейх Мохаммед бен Рашид Аль Мактумдун аялы өлкөдөн качып кетти. Бул тууралуу чет элдик маалымат каражаттары жазып чыгышты.

Маалым болгондой, ханбийке Хайя бинт аль-Хусейн быйылкы жылдын февраль айынан бери эл арасында көрүнгөн эмес болчу. "Ал 11 жашар кызы жана 7 жашар баласы менен Араб Эмираттарынан Германияга качып, баш паанек сурап, ажырашуу тууралуу документтерди тапшырды. Ханбийке жанына 39 миллион доллар алып качты.

Бул окуя Германия менен Араб Эмираттарынын ортосундагы дипломатиялык кризиске жеткирди. Премьер-министр Германиянын бийлигине аялын кайтаруу талабы менен кайрылганда, анын талабы аткарылган жок.

Буга чейин Дубайдын башчысынын кызы өлкөдөн чыгууга аракет кылганда кармалып өлкөгө кайтарылган. Human Rights Watch укук коргоо уюму БАЭнин бийлигинен ханзаада каякта жүргөнү тууралуу маалыматты сураганда, аны өлкөдөн зордоп эч жакка чыгарбоо тууралуу маалыматты четке кагып жатышкан", - деп жазышат басылмалар.