Кой-Таш айылындагы Аламүдүн суусуна чөгүп кеткен 26 жаштагы жарандын жансыз денеси туугандары тарабынан табылды

Чүй облусунун Аламүдүн районунун Кой-Таш айылындагы Аламүдүн суусуна чөгүп кеткен эркек кишинин жансыз денеси табылды. Бул тууралуу ӨКМнын маалымат кызматынан билдирди.

"Бүгүн, 1-июлда Кой-Таш айылындагы Аламүдүн суусуна чөгүп кеткен 1993-жылы туулган Б.С. аттуу жарандын жансыз денеси табылды. Анын сөөгү Аламүдүн суусунан 2 километр ылдыйдан туугандары тарабынан алынып чыкты", - дейт басма сөз катчы.

29-июнда Б.С. Кой-Таш айылындагы Аламүдүн суусуна түшүп кеткен. Аны издөө иштерине ӨКМнын Бишкек шаардык башкармалыгынан, Суучулдар борборунан, Бишкек шаардык башкармалыгынын куткаруу кызматынан кызматкерлер тартылган.