"Гиннесстин рекорддор китебине" кирчү 1 жарым тонна ашлян-фу даярдалууда

Бүгүн, 1-июлда Каракол шаарындагы Чыңгыз Айтматов атындагы борбордук аянтта шаардын 150 жылдыгына карата "Гиннесстин рекорддор китебине" киргизүү үчүн 1 жарым тонна ашлян-фу даярдалууда. Бул тууралуу SUPER.KG`ге окурман билдирди.

Окурмандын билдиргенине ылайык, азыркы тапта аянтта ашлян-фу даярдалууда. Аны көргөнү келген адамдардын саны арбын. Мындан сырткары аянтта концерттик иш-чара өтүп жатат.

"Ысык аба ырайына карабай аянтка келген адамдардын саны көп. Элдин маанайы жакшы. Аянтка жергиликтүү тургундар жана көл жергесине эс алып келген жарандар келишкен. Эми бүгүн жасалган тамак "Гиннесстин рекорддор китебине" кирип калса, Караколдун визиттик карточкасы дүйнө жүзүнө белгилүү болот", - дейт окурман.

Мындан сыткары бүгүн борбордук аянтта саат 17:00дө Казакстандан жана Кытайдын Кызыл-Суу кыргыз автономдуу облусунан келген акындардын айтыш сынагынын финалы орун алат. Айтыштын жалпы байге фонду - 500 миң сом.