Ысык аба ырайына байланыштуу Бишкектин көчөлөрүнө саат сайын суу чачылууда

"Тазалык" муниципалдык ишканасы ысык аба ырайына байланыштуу Бишкек шаарынын көчөлөрүнө саат сайын суу чачууда. Бул тууралуу мэриянын басма сөз кызматы билдирди.

Маалыматка ылайык, азыркы тапта жалпы 8 суу чачуучу унаа иштеп жатат.

"Азыркы тапта унаалар​ ​Абдрахманов, Чүй,​ Шопоков, Ибраимов,​ Фрунзе, Москва,​ Токтогул,​ Киев көчөлөрүндө суу чачып жатат. Башка көчөлөргө да суу чачылат. Суу чачып тазалоо түнкү убакытта да болот. Алар саат түнкү 2-3төрдө башталып эртең мененки 7ге чейин уланат", - деп билдирди басма сөз кызматы.

Шаар жетекчилиги тургундарга ысык аба ырайына байланыштуу бардык коопсуздук эрежелерин сактап, ден соолугуна кам көрүүгө чакырат.