Ашкере сулуулугу үчүн өз өлкөсүнөн куулган араб жигити чет өлкөдө ийгиликке жетти

Сауд Арабиянын жараны ашкере сулуу болгону үчүн өз өлкөсүнөн куулган. Окуя 2013-жылы болгонун чет элдик басылмалар жазып чыгышты.

Маалыматка ылайык, 5 жыл мурда Омар Боркан Аль-Галаны жана 2 жигитти өлкө бийлиги куугунтукка алган. Бийлик мындай кадамын ашыкча сулуу мырзалар аялдардын акылга сыйбаган жоруктарды жасашына себеп болот деп түшүндүргөн.

Бул окуядан кийин Омар Боркан Канадага көчүп келген. Бул жактан ал моделдик кесипти аркалап баштаган. Учурда ал Канададагы топ-моделдердин бири катары бааланып, белгилүү болууга жетишкен. Анын сулуулугуна суктанып иштешүүнү каалаган моделдик, жарнамалык агенттиктер күн санап өсүүдө. Мындан тышкары модель фотограф болуп иштейт.

Омар Боркан 5 жыл аралыгында белгилүү гана болбостон 10 миллион доллар каражат табууга, үй-бүлө курууга жетишкен.