Желим бөтөлкөнүн капкагын ыргыта тепкен атактуулар. Вируска айланган #BottleCap челленжин жасап көрдүңүзбү?

Социалдык тармактарда #BottleCapChallenge деген оюн күндөн күнгө өзүнүн катарын өстүрүп жатат. Тагыраагы, желим бөтөлкөнүн капкагын буту менен учура тепкен челленжге кызыккандардын саны өсүп, атактуулар дагы катышууда.

Бул вирустуу челленжди казакстандык мушкер Карен Пашикян баштаган деген маалыматтар бар. Ал бөтөлкөнүн капкагын ыргыта тепкен видеосун социалдык тармактагы баракчасына жүктөп #farakickschallenge жана #bottlecapchallenge деген хэштег калтырган. Кийинчерээк бул оюнду кайталагандар экинчи хэштегди колдонушкан.

Ошондой эле мушкер таэквондо боюнча Дүйнө чемпиону Аль-Фараби Давлетчин менен белгилүү америкалык актёр Жейсон Стейтемди бул челленжди кайталоого чакырган.

Көп өтпөй эле дүйнөгө белгилүүлөр челленжди кайталап, видеолору менен бөлүшө баштаган. Мушкер Макс Холлоуэй челленжди кайталаган.

UFC`нин экс-чемпиону Конор Макгрегор

Көпчүлүккө Дипло каймана аты менен таанылган америкалык ди-джей, продюсер Томас Уэсли Пентц

Америкалык ырчы, аткаруучу, гитарачы Жон Клейтон Майер

Тай боксу боюнча Дүйнө чемпиону Ирина Ларионова башкалардан айырмаланып желим бөтөлкөнүн эмес, айнек банканын капкагын тепкен.

Орусиялык белгилүү рэпер Тимати

Аталган челленжди кыргыздын белгилүүлөрү дагы кайталаган. Айрымдары капкакты учура тепсе, айрымдары аткара албай калган. Бирок видеону тамаша үчүн жүктөгөн.

Актёр, каскадёр жана вайнер Зияш Турдубеков

"Жарайт сити" долбоорунун актёру Нурсултан Курсанали уулу челленжди кайталоого аракет кылган.

Вайнер Шумкар Бейшеналиев

"Азия Mix" КВН командасынын мурдагы оюнчусу Данияр Болотбеков

Бул челленжди жаш актёр Азамат Уланов дагы жасап, видеосу менен бөлүшкөн.