Баткендеги Ак-Сай айылында Кыргыз-Тажик жарандарынын ортосунда чыр чыгып, Кыргыз жараны ооруканага жаткырылды

Маалыматка ылайык, Кыргыз-Тажик чек арасында учурда абал туруктуу.

"Кечээ, 3-июлда Баткен районунун Ак-Сай айылында жайгашкан газ толтуруучу станциянын ээсин Тажик жараны сабап салган. Сабалган жаран кыргыз болгон. Уруштун келип чыгуу себеби, Тажик жараны газ саткан кыргыз жаранына мындан кийин Тажик жарандарына газ сатууну токтотууну талап кылган. Ортодон чыккан чырдан 55 жаштагы Ж.Ж. аттуу кыргыз жаранын башына чапкан. Ал алган жаракатынан улам Самаркандек айылындагы ооруканага жеткирилген. Ал эми сабап салган Тажик жараны качып кеткен. Мындан улам Ак-Сай айылынын жашоочулары Исфара-Ворух жолун жаап салган. Ушул эле күнү эки өлкөнүн чек ара кызматынын өкүлдөрү жолугушуп, сүйлөшүүлөрдү жүргүзгөн. Андан кийин өкмөттүн Баткен облусундагы ыйгарым укуктуу өкүлү жана чек ара кызматкерлери жергиликтүү тургундарга түшүндүрүү иштерин жүргүзүшкөн", - деп билдерет басма сөз кызматы.

Буга чейин Ак-Сай айылындагы Исфара-Ворух унаа жолу жабылып, кайра 4-июлга караган түнү саат 1де ачылганы маалым болгон.