Бишкекте 9-августта бош жумуш орундар жарманкеси өтөт

9-август күнү Бишкекте ай сайын өтүп келген бош жумуш орундар жарманкеси өтөт. Бул тууралуу Жаштар, эмгек жана жумуштуулук министрлигине караштуу Жаштар эмгек биржасынан билдиришти. Маалыматка ылайык, мындай жарманке аталган биржанын короосунда ар айдын 9-күнүндө өтүп турат. Бүгүнкү күнгө карата жарманкеге катышуу үчүн 30дан ашуун компания өз арызын берген. Учурда курулуш иштери көп болуп жаткандыктан, бул багыттагы жумушчуларга суроо-талап жогору болууда.