2 адамдын өмүрүн алган Ысык-Көлдөгү жол кырсыгынан дагы 1 бала каза болду

Ысык-Көлдүн Чолпон-Ата шаарындагы жол кырсыгынан каза болгондордун саны 3кө жетти. Мындай маалыматты Бишкек Жол кыймылынын коопсуздугун камсыздоо башкы башкармалыгынын маалымат кызматынан билдиришти.

"Балыкчы-Ананьево-Каракол жолундагы жол кырсыгынан BMW Х7 жана Lexus ES 300 үлгүсүндөгү унаалар сүзүшкөн. BMW Х7 унаасын 1996-жылы туулган Х.Э. аттуу бала башкарып келе жаткан. Ал эми Lexus ES 300 унаасын 1995-жылы туулган Бишкек шаарынын тургуну Б.Н. башкарып келе жаткан. Ал жолдун ортосунан бурулуш жасайм деп кырсыкка кабылган. Анын кесепетинен Lexus ES 300 унаасынын айдоочусу, андан тышкары 1995-жылы туулган Д.Н. жана Б.Б. аттуу 2 жүргүнчүсү каза болгон. Ал эми К.Б. аттуу жүргүнчү Чолпон-Ата шаарындагы оорукананын жандандыруу бөлүмүндө жатат.

Аталган факты Кылмыштардын жана жоруктардын бирдиктүү реестрине катталып, тергөө иштери башталды", - деди маалымат кызматынан.

BMW Х7 унаасынын айдоочусу жана жүргүнчүсү жаракат алган эмес. Жол кырсыгы 7-июлда Бактуу-Долоноту айылына жакын жерде орун алган.