Анталияда октон каза болгон Кыргыз жигитинин өлүмүнө дагы шектүүлөр кармалды

Түркиянын Алания шаарында тапанчанын огунан каза болгон Кыргыз жигитинин өлүмүнө шектелип дагы 3 жаран кармалды. Алардын экөөсү көрсөтмө бергенден кийин бошотулганын "CNN TURK" басылмасы жазып чыкты.

Анда 23 жаштагы Муктарбек И.нин өлүмүнө шектелип Али Й., Сердар К., Али Г. жана Перихан С. аттуу 4 жаран кармалган. Алар Конаклы районунун жандармериясы тарабынан суракка алынган. Натыйжада Али Г. жана Перихан С. бошотулуп, соттун көзөмөлүнө алынды. Ал эми Али Й.га "адам өлтүрүү" беренеси, Сердар К.га "тоноочулук" беренеси менен кылмыш иши козголуп, камакка алынганы жазылат маалыматта.

Окуя 7-июлда Анталиянын Алания шаарында болгон. Анда 23 жаштагы Мухтарбек И. аттуу Кыргыз жигити тапанчанын огунан каза болгон.

Маркум 1996-жылы Чоң-Алай районунда туулган. Былтыр үйлөнүп, жубайы менен аталган өлкөгө иштегени кеткени маалым болду. Достору аны жоош, момун, чырдан алыс болчу деп мүнөздөштү. Аталган өлкөдөгү юридикалык компаниянын жетекчиси Нурлан Миртемир уулу "Октон каза болгон Кыргыз жигит жергиликтүү тургундардын урушунун курмандыгы болду" деп билдирди.