Түркиялык имам музыкага болгон сүйүүсү үчүн кызматынан бошотулду

Түркиялык имам Ахмет Мүхсин Түзер музыкага болгон кызыгуусунун айынан кызматынан айдалды. Ал имамдык кызматына кайра келүү үчүн сотко арыз жазганын чет элдик басылмалар жазып чыгышты.

Маалыматка ылайык, Ахмет Мүхсин Анталиядагы Каш шаарындагы мечиттердин биринде имам болуп иштеп жүргөн. Ал мамлекеттик кызматты аркалай албайт деген жүйө менен жумушунан бошотулган. Ал эми Ахмет Мүхсин жумуштан айдалышына "FiRock" деген музыкалык топ түзгөнү себеп болгонун айтат. Анткени буга чейин дин башкармалыгы ага чыгармачылык менен алектенүүгө бир нече жолу тоскоолдук кылууга аракет кылышкан.

"Анталия райондук соту менин арызымды кабыл алуудан баш тартты. Жакында апелляциялык арыз берем. Түркияда адилеттүүлүккө жете албасам Европанын сотуна арызданам, бирок музыканы таштабайм", - деген ал.