Ысык-Көлдө 4 адамдын өмүрүн алган жол кырсыгына күбөлөр изделип жатат

ИИМдин Жол кыймылынын коопсуздугун камсыздоо башкы башкармалыгы Ысык-Көлдө 4 адамдын өмүрүн алган жол кырсыгына күбөлөрдү издеп жатат. Бул тууралуу мекеменин басма сөз кызматы билдирди.

"7-июлда таңкы саат 4:30дар чамасында Балыкчы-Ананьево-Каракол жолундагы жол кырсыгынан BMW Х7 жана Lexus ES 300 үлгүсүндөгү унаалар сүзүшкөн. Кырсыктан 4 адам каза болгон. Жол кырсыгы боюнча ар тараптуу иликтөө жүргүзүү, кырсык кандайча болгонун аныктоо үчүн көргөн-билгендерди бизге кайрылууну суранабыз", - деп айтылат маалыматта.

ИИМдин Жол кыймылынын коопсуздугун камсыздоо башкы башкармалыгы: (0312) 63-09-00; 63-09-01

Ысык-Көл ОИИБи: (03922) 5-45-05; 5-45-50

Ысык-Көл ОИИБинин тергөө кызматы: (03922) 5-15-55; (0312) 29-40-10; 0705-75-59-88.

7-июлда болгон кырсыктан Lexus ES 300 үлгүсүндөгү унаада бара жаткан 4 адамдын баары каза болгон. Экөөсү окуя болгон жерден жан берсе, экөөсү ооруканада көз жумду. BMW Х7 унаасында Бишкек шаардык кеңешинин депутаты Темирлан Токобеков жана айдоочу болгон. Алар кырсыктан кийин Бишкектеги 4-ооруканага жеткирилген.