Декларация: ЖКнын депутаты Дамира Ниязалиева 2012-жылы 1,3 миллион сом киреше тапса, туугандарынын 17 кыймылсыз мүлкү бар

ЖКнын депутаты Дамира Ниязалиеванын тапшырган декларациясында 2012-жылы иш ордунан 1 032 085 сом киреше тапкандыгын көрсөттү. Ошондой эле эл өкүлү 203,4 чарчы метрди ээлеген үйү, 52,1 чарчы метрди жана 34,83 чарчы метрди ээлеген 2 дарыканасы жана 1990-жылы чыгарылган кичи автобусу бар экендигин белгилеген. Ал эми депутаттын туугандарынын 17 кыймылсыз мүлкү бар экен. Алар: 3 батир, 3 жер тилкеси, 3 үй жана 8 имарат. Жакындарынын 2007-жылы чыгарылган Лексус GX 470, Тойота камри үлгүсүндөгү унаалары жана кичи автобусу бар экендиги декларацияда жазылган.