Декларация: ЖКнын депутаты Курманбек Осмоновдун 2 үйү, 1 батири бар

ЖКнын депутаты Курманбек Осмоновдун 2012-жылдагы кирешеси 986 059 сомду түзүптүр. Мындай маалыматты эл өкүлү тапшырган декларациясында белгилеген. Ага ылайык, Осмоновдун 276,65 чарчы метрди ээлеген 1 үйү, 439,9 чарчы метрди ээлеген дагы бир үйү, 74,3 чарчы метрди ээлеген батири жана 111 чарчы метрди ээлеген коттеджи бар экен. Ошондой эле депутаттын 2004-жылы чыгарылган Мерседес G400 үлгүсүндөгү унаасы бар экендиги декларацияда жазылган. Ал эми туугандарынын кыймылдуу, кыймылсыз мүлктөрү жана кирешеси тууралуу жазылган эмес.