Декларация: ЖКнын депутаты Феликс Кулов "бир жылдык кирешем 954 917 сом" дейт

Жогорку Кеңештин депутаты Феликс Кулов тапшырган декларациясында 2012-жылдагы кирешеси 954917 сом экенин көрсөттү. Депутаттын 200 чарчы метр аянтты ээлеген 1 үйү бар, өзү кайсы бир компаниянын 20 пайыздык акциясына ээлик кылат. Куловдун жакындары 2012-жылы 1 807 419 сом киреше тааптыр. Ал эми алардын кыймылсыз, кыймылдуу мүлктөрү булар: 500 чарчы метр жердеги имарат, 351 чарчы метр жерди ээлеген үй, 57,9 чарчы метр аянтты ээлеген батир, 710 чарчы метр жердеги курулушу бүтө элек 2 имарат, 490 чарчы метр аянтты ээлеген курулушу бүтө элек 2 имарат, 288 метр жерди ээлеген курулушу бүтө элек имарат, 355 чарчы метрди ээлеген жердеги курулушу бүтө элек имарат. 2006-жылы чыгарылган Тойота Прадо унаасы. Депутаттын жакындары 2 компаниянын 90 пайыздык акцияларына ээлик кылышат.