Элдин баарын картайткан FaceApp`тын коопсуздук жагы күмөндүү экени айтылды

Орусиялыктар тарабынан иштелип чыккан FaceApp тиркемеси колдонуучулардын телефонундагы жеке маалыматтардын сакталуусуна кепилдик бербей турганын чет өлкөлүк басылмалар жазып чыгышты.

FaceApp мобилдик тиркемеси - орусиялык Wireless Lab компаниясына тиешелүү. Эксперттер бул тиркеме колдонуучулардын жеке маалыматтарынын сакталуусуна кепилдик бербей турганын билдиришкен.

Себеби тиркеменин саясатында колдонуучунун телефонундагы сүрөттөргө жана электрондук дарегине кирүү мүмкүнчүлүктөрү бар экендиги айтылат. Экинчиден, сиз жүктөгөн сүрөт телефонуңуздан эмес башка жактан кайра иштелип келет. Ал андан ары кайсы жакка тарап кетери белгисиз.

Аталган тиркеме - бүгүнкү күндө эң көп орнотулган тиркемелердин бири. Дүйнөдөгү белгилүү адамдар жана кыргыз шоу-бизнесинин өкүлдөрү да четте калбай аталган тиркеме аркылуу жасалган сүрөттөрүн жарыялашкан.