Бишкекте 4-кабаттан кулап кеткен 3 жашар кыз жандандыруу бөлүмүнөн палатага которулду

Бишкекте көп кабаттуу үйдүн 4-кабатынан кулап кеткен 3 жашар кыздын абалы жакшырууда. Мындай маалыматты Саламаттыкты сактоо министрлигинин басма сөз кызматынан билдирди.

"№3 шаардык балдар ооруканасынын жандандыруу бөлүмүндө жаткан 3 жаштагы кыз эсине келди. Ал жандандыруу бөлүмүнөн палатага которулду. Учурда абалы туруктуу", - деди маалымат кызматынан.

Кечээ, 23-июлда саат 18:20 чамасында шаардагы көп кабаттуу үйлөрдүн биринен 3 жаштагы кыз кулап кетип, баш мээсинен жаракат алып, кашка жилиги сынганы маалымдалган.