Балыкчы шаарында эмне себептен электр жарыгы өчүрүлүүдө? "Чыгыш электр" ААКсынын жообу

Социалдык тармактарда акыркы учурда күн сайын Балыкчы шаарында электр жарыгы өчүрүлүүдө деген маалымат тараган. Жарык атайын оңдоп-түзөө иштерине байланыштуу өчүрүлүп жаткандыгын "Чыгыш электр" ААКсынын маалымат кызматынын башчысы Гүлмира Тониева SUPER.KG`ге билдирди.

"Балыкчы шаарында электр жарыгы өчүрүлүп жаткандыгы ырас. Атайын кышка даярдык көрүү үчүн оңдоп-түзөө иштерине байланыштуу өчүрүлүүдө. Бүгүн саат 09:00дөн 17:00гө чейин Аманбаев, Темирязевская, Крупская, Фучик, Алиев көчөлөрүндө өчүрүлдү. 24-июлда Кунакунов, Почтовая жана Чкалов көчөлөрүндө өчүрүлгөн. Оңдоп-түзөө иштери жаңы электр шаймандарын орнотууда, электр зымдарына тийип калган бак-дарактарды кыюу учурунда жана жашылдандыруу ишканасынын суранычы менен да өчүрүлүүдө", - деди Тониева.