Хабиб Нурмагомедов Орусияда спорт жана шоу-бизнес тармагындагы эң ийгиликтүү адам болуп табылды

Forbes журналы Орусиянын шоу-бизнес жана спорт тармагындагы 40 жашка чейинки эң ийгиликтүү адамдардын тизмесин жарыялады. Тизмени түзүүдө катышуучулардын атактуулугу жана алардын кирешеси эске алынган.

Маалым болгондой, тизмеде UFC чемпиону Хабиб Нурмагомедов сап башында. Басылма спортчунун кирешеси 11,5 миллион доллар деп жазган. ЖМКларда мушкер 75 миңдей жолу, ал эми социалдык тармактарда 1,5 миллион жолу талкууланган.

Экинчи орунду ырчы жана алып баруучу Ольга Бузова 4,4 миллион доллар киреше менен ээлейт. Ырчы ЖМКларда 73 миң жана социалдык тармактарда 4,5 миллион жолу талкууланган.

"Вашингтон Кэпиталз" хоккей клубунун чабуулчусу Александр Овечкин үчүнчү орунду камсыздайт. Овечкиндин кирешеси 14,5 миллион долларды түзгөн. Спортчу ЖМКларда 59 миң, ал эми социалдык тармактарда 560 миң жолу талкууга алынган.

Алдыңкы ондукту ырчылар Егор Крид, Баста, Дима Билан, Тимати, Полина Гагарина, модель Ирина Шейк, футболчу Артем Дзюба толуктаган.