Орусияда 80 жаштагы аял 3 адамды өлтүргөнү аныкталды. Анын арасында 8 жаштагы кыз да бар

Хабаровск крайында 80 жаштагы аял 3 адамды өлтүргөнү аныкталды. Анын арасында 8 жаштагы кыз да бар. Бул тууралуу бугүн, 1-августта орусиялык маалымат каражаттары жазып чыкты.

Маалыматка ылайык, 30-январь күнү 52 жаштагы жарандын дене мүчөлөрү табылган. Жүргүзүлгөн иликтөө иштеринин алкагында анын өлүмүнө батирин ижарага берген пенсионер аялдын тиешеси бар экени аныкталган.

"Маркум кылмышка шектүү 80 жаштагы пенсионер аялдын батирин ижарага алып жүргөнү аныкталган. Тергөө иштеринин алкагында "алсыз кемпир" ал жаранды өлтүргөнүн моюнуна алган. Мындан сырткары, тергөөчүлөрдүн тобу пенсионер 2005-жылы 8 жаштагы кызды балталап өлтүргөнү ал эми 2013-жылы өзүнүн таанышын да өлтүрүп койгону аныкталган. Учурда бул кылмыш иштеринин бети ачылып, жакында 3 адамдын өмүрүн алган пенсионер аялдын соту болот", - деп айтылат маалыматта.