УКМК: Июнь окуяларында жабыркагандарга үй куруп берген 2 фирма мамлекетке 5,7 миллион сом салык төккөн эмес

УКМКнын Коррупцияга каршы күрөшүү кызматы тарабынан 2010-жылдагы Июнь окуяларында жабыркагандар үчүн көп кабаттуу үйлөрдү курган “Ансар Трейд” жана “Плутон Строй” ишканаларынын мамлекетке 5,7 миллион сом өлчөмүндө салык төкпөгөндүгү аныкталды. Бул тууралуу 6-августта УКМКнын басма сөз кызматы билдирди. Аталган фирмалар 2011-жылы 140 миллион сомго Ош, Жалал-Абад шаарларына көп кабаттуу үй тургузушкан. Текшерүүлөрдө ишканалар мамлекетке аталган суммада салык бербей калганы белгилүү болду. Бул факты боюнча кылмыш иши козголуп, тергөө иштери жүрүп жатат.