Ысык-Көл. Жол белгилери менен жол чырактар жетишсиз болууда

Ысык-Көл облусу боюнча бүгүнкү күндө жол кырсыгы арбын катталууда. Анын себептеринин бири - унаа жолдорунда жол белгилери жетишсиз экендиги жана жол чырактар толук иштебей жаткандыгы. Бул тууралуу Ысык-Көл облустук Жол кыймылынын коопсуздук бөлүмүнүн башчысы Насипбек Калмурзаев билдирди. Көл аймагы боюнча унаа жолдун жалпы узундугу 8 миңге жакын чакырым. Ага 5724 даана жол белгиси керек, бирок  алардын саны 5028 гана. Тактап айтсак, облус боюнча учурда 696 даана жол белгиси жетишпейт. Ал гана эмес, 23 жол чырактын 13ү гана иштейт.