Жалал-Абад. Шаарда 6 ай аралыгында 58 үй-бүлө ажырашкан

Шаардагы жарандык абалдын актыларын каттоо бөлүмүнүн башчысы Бүзейнеп Иманованын билдиришинче, Жалал-Абад шаарында 2013-жылдын 6 ай аралыгында 58 үй-бүлө ажырашса, 280 түгөй нике каттоосунан өткөн.  Ажырашкандардын көпчүлүгү 27 жаштан 40 жашка чейинки жубайлар болуп жатканы айтылды. "Никеге катталгандардын көпчүлүгү 18 жаштагылар. Ал эми андан жогорку жаштагылардын никеге туруусу аз болууда",- дейт Иманова.