Депутат Алмамбет Шыкмаматов: "Оппозициялык саясатчылар ар дайым болот". КҮНСОБОЛ

Кой-Таш айылында экс-президент Алмазбек Атамбаевдин үйүндө аны кармоо үчүн күч түзүмдөрүнүн экинчи операциясы орун алып, ал УКМКга камакка алынган. Биринчи Май райондук сотунун чечими менен 26-августка чейин камакта калтырылды. Ошону менен катар Атамбаевдин тегерегиндеги тарапташтарынын айрымдары камакка алынып, кээ бирлери сурак беришүүдө.

SUPER.KG порталы "Алмазбек Атамбаев камалды. Эми бийликке оппозиция ким болот?" деген собол салды.

Жогорку Кеңештин депутаты Алмамбет Шыкмаматовдун пикиринде, коомчулукта нааразычылык маанай көбөйүп баратат. "Бийликке оппозициялык саясатчылар ар дайым болот. "Ата Мекен", "Республика-Ата Журт" партиясы, саясатчы Адахан Мадумаров жана башка саясий күчтөр оппозиция болот. Буга саясий шарт бар. Коомчулукта нааразычылык маанай көбөйүп баратат. Бул нерсе менен дагы саясий күчтөр эсептешпей коё албайт. Саясий күчтөр биринчи кезекте элдин маанайын, жалпы элдин пикирине таянып иш кылат да. Ошондуктан менин оюмча, оппозициялык маанайдагы партиялар, саясий күчтөр активдүүлүгүн көрсөтөт", - дейт Шыкмаматов.