Онкологиялык илдетке чалдыккандар пенсиянын топтолмо бөлүгүн мөөнөтүнөн мурда алуу боюнча токтом долбоору коомдук талкууга коюлду

Залалдуу шишик илдетине чалдыккан, өмүрүнө коркунуч жараткан дартка кабылган жарандар пенсиянын топтолмо бөлүгүн белгиленген убакыттан мурда ала алат. Бул тууралуу өкмөттүн басма сөз кызматынан билдирди.

Маалыматка ылайык, тийиштүү токтом долбоору Социалдык фонд тарабынан коомдук талкууга коюлду. Буга ылайык, өкмөт оор делген илдеттердин тизмегин түзөт. Ага биринчи кезекте онкологиялык оорулар жазылат.