Дональд Трамп Гренландияны сатып алууга кызыкдар болуп жатат. Бул тамаша эмес, бул АКШ президентинин экинчи аракети

АКШнын президенти Дональд Трамп Гренландияны сатып алууга кызыкдар болуп жатат. Бул тууралуу The Wall Street Journal басылмасы жазып чыкты.

Дүйнөдөгү эң чоң арал болгон жана Данияга тиешелүү Гренландияны сатып алууну Трамп бир жылдан бери ойлонуп жүрөт. Бул тууралуу президент өзүнүн кеңешчилеринен, адвокатынан да бир канча жолу сураштырып көргөн. Алар даярдап берген Гренландиянын табигый ресурстары жана геосаясий мааниси тууралуу маалыматты да кызыгуу менен уккан.

Буга чейин 1946-жылы АКШнын президенти болуп турган Гарри Трумэн Даниядан Гренландияны 100 миллион долларга сатууну сунуштаган. Бирок Дания баш тартып койгон.

Анткен менен жогорудагы маалымат АКШнын да, Даниянын да расмий булактары тарабынан тастыктала элек.

Тарых барактарында мындай чоң келишимдерден Алясканын сатылышы болгону белгилүү. 1867-жылы Орусия АКШга Аляска жарым аралын 7 миллион 200 миң долларга саткан.