Ырчы Жоннинин иниси операция жасатуу үчүн Түркияга кетти

Ырчы Жоннинин бир тууган агасы Нарынбек Маанаевдин 4 жарым жаштагы уулу Нуриман Түркияга операция жасатуу үчүн кетти. Операция Стамбулдагы алдыңкы ооруканалардын биринде болот. Бул тууралуу ырчы SUPER.KG порталына билдирди.

"15-августта Нуриман атасы, апасы менен Стамбулга учуп кетишти. Азырынча операция кайсы күнү болору белгисиз. Операция жасатууга 32 миң доллар акча керек экен. Каражаттын жетпей калган суммасын кайрымдуулук концертинен түшкөн акча менен толуктадык. Нуриманга операция жасалгандан кийин 1-2 ай реабилитациялоо болот. Ал эми Бишкекке келгенден кийин эки бутуна операция жасалат", - деди ал.

SUPER TV буга чейин Нуриман операцияга муктаж экенин, анын омуртка, жамбаш жана бут сөөктөрү жабыркагандыктан баса албай тургандыгы тууралуу материал даярдаган.