Супер-Инфо
super.kg видео
Улуттук коопсуздук мамлекеттик комитети Өмүрбек Бабановду суракка чакырганынын себебин айтты
Кечээ, 19-августта Финполдо сурак берип чыккан Өмүрбек Бабанов бүгүн, 20-августта Улуттук коопсуздук мамлекеттик комитетине суракка барарын айткан болчу. УКМК Бабановду кайсы иштин алкагында суракка чакыртканын айтты.
"Буга чейин, Кыргыз Республикасынын Башкы прокуратурасы тарабынан Бабановдун 2017-жылдын 28-сентябрында Ош шаарынын Амир-Тимур кичи районундагы сүйлөгөн сөзү боюнча кылмыш иши козголгон. Бул кылмыш иштин алкагында суракка чакырылган Бабанов күбө катары өтүүдө", - деп жазылат УКМКнын маалыматында.
Бабанов 2017-жылы президенттик шайлоодон кийин өлкөдөн чыгып кеткен болчу. 2 жылга жакын убакыттан кийин ал 9-августта өлкөгө кайтып келген. Ал келер алдында билдирүү таратып, УКМК келсе ага карата козголгон кылмыш иштери боюнча мыйзам чегинде жооп берерин маалымдаган. Ага карата Ош шаарындагы Амир-Тимур кичи районунда провокациялык маанидеги сүйлөгөн фактысы боюнча, экинчиси бийликти күч менен басып алуу жана массалык башаламандыкты даярдоо беренелери боюнча кылмыш иштери козголгон.
Бабановго каршы козголгон кылмыш иштеринин таржымалы тууралуу жазылган бардык кабарларды окуу үчүн бул шилтемени басыңыз.
2
Сооронбай менен Асылбеке караганда Бабановтун абийири таза. Сооронбай сөлдүрөк эптеп курал менен бийликти кармап турат. Жээнбековтор адам деле эмес экен. Сооронбайды элдин жашоо турмушу кызыктырбайт. Сооронбай кетмейинче өлкөдө жашоо турмуш оңолбойт. Жээнбеков элдин көзүнө көрүнбөй кет