Супер-Инфо
super.kg видео
Сапар Исаковдун жакындары анын абалы жакшы эместигин айтышууда. УКМК мурдагы өкмөт башчынын ден соолугу тууралуу үн катты
Сапар Исаков премьер-министр болуп турганда өкмөттүн маалыматтык саясатын жетектеп турган Гүлнура Төралиева социалдык тармакка билдирүү жасады. Анда Сапар Исаковдун абалы начар экени жазылган.
"Сапар Жумакадыровичтин абалы жакшы эмес, отура албайт, өңү кубарып кеткен, алсыз. Жөндүү диагноз коюша элек. Таң каларлык эле диагноз коюп жатышат. Сапар Исаковго жөндүү медициналык кароо жасоону суранам!" деп жазылган билдирүүдө.
Бул боюнча Саламаттыкты сактоо министрлигине байланышканыбызда Сапар Исаковдун ден соолугу тууралуу маалыматты Улуттук коопсуздук мамлекеттик комитети берерин айтышты.
Ал эми УКМКнын басма сөз кызматынан мурдагы өкмөт башчынын абалы канааттандырарлык экенин, аны 24 саат бою дарыгерлер карап жатканын билдирди.
Сапар Исаков 16-августта кыр арка омурткасындагы тамырларда кан айлануунун бузулушу деген диагноз менен абактан ооруканага жеткирилген. Ал өткөн жылдын июнь айында УКМКнын СИЗОсуна камакка алынганы маалым.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Исаков жакында чыгат. Эл журт Жээнбеков Раим ууруларды кууп чыгабыз. Исаков азаматсың.