Москва-Бишкек багытындагы темир жолдун билеттери арзандайт

Орусия Федерациясына багытталган темир жолдун билеттери арзандайт. Бул тууралуу Транспорт жана жол министрлигинин басма сөз катчысы SUPER.KG порталына билдирип, билетти арзандатуунун максаттары тууралуу айтып берди.

“Кыргыз темир жолу" менен Орусиянын "РЖД" ачык акционердик коому биргеликте Бишкек-Москва багытындагы билеттерди арзандатуу боюнча сүйлөшүүлөрдү жүргүзүп жатат. "Кыргыз темир жолу" ишканасынын стратегиясына ылайык, жүргүнчүлөргө билеттерди арзандатуу менен катнашты мындан дагы жакшыртуу максаты коюлуп жатат. Бул кадам эл аралык мамилени бекемдөөгө жол ачат”, - деди ал.

Билеттин наркы 18,1 пайыздан 19,9 пайызга чейин вагондун категориясына жараша болот. Билеттерге бааны төмөндөтүүнү сынап көрүү 2020-жылдын 1-январынан 31-мартына чейин деп сүйлөшүлүп жатат.