Нарын. Шаардык кеңешке ат салышып жаткан партиялардын биринин өкүлү "арак таратып, үгүт иштерин жүргүзгөн" деп айыпталууда

Нарын шаарынын №4080-шайлоо участкасында “Мекен ынтымагы” партиясынын өкүлү шайлоочуларды үгүттөп, спирт ичимдигин берип жаткан жеринен кармалды. Кармалган жаран N 6006 В номерлүү автоунаасынан арак таратып, “тизмедеги №1-партияга добуш бергиле” деген үгүт иштерин жүргүзгөн. Бул факт боюнча акт түзүлдү. Учурда “Мекен ынтымагы” партиясынын өкүлдөрү муну четке кагышууда жана кармалган шектүүнүн үстүнөн иликтөө иштери жүрүп жатат.