Адил Турдукулов Абдил Сегизбаевге каршы Башкы прокуратурага кайрылды

КСДПнын саясий кеңешинин мүчөсү Адил Турдукулов УКМКнын мурдагы төрагасы Абдил Сегизбаевге каршы Башкы прокуратурага кайрылды. Бул тууралуу бүгүн, 22-августта SUPER.KG порталына Турдукулов билдирди.

"Белизгейт боюнча маалыматты тараткан Абдил Сегизбаев бийлик өзгөрсө дагы жоопкерчиликке тартылбай жатат. Керек болсо ага карата иликтөө иштери дагы жүргүзүлгөн жок. Анын айтканы калп болуп чыкты. УКМК Белизден документтер келген эмес деп билдирген. Бул жерде аны "кызматын кыянаттык менен пайдалануу", "кызматтык жасалмалуулук", "алдамчылык" беренелери боюнча жоопко тартуунун жолдору бар. Саясий абал өзгөрүп, Текебаевдин иши кайра каралсын деген чечим чыккандан кийин, Башкы прокуратура мыйзам негизинде Сегизбаевди жоопко тартышы керек. Ал гана эмес ошол ишти аткарган адамдар дагы жоопко тартылышы зарыл", - дейт Турдукулов.

Адил Турдукулов кайрылууну Башкы прокуратурага кечээ, 21-августта тапшырганын айтты.