Шереметьево аэропортунда кыргыз таксисттери катышкан мушташтын чоо-жайы иликтенип баштады

Москвадагы Шереметьево аэропортунда кыргыз таксисттери менен күзөтчүлөрдүн ортосундагы чыккан жаңжал боюнча Кыргыз өлкөсүнүн Орусиядагы элчилиги тактоо иштерин жүргүзүп жатат. Аталган кызматтын басма сөз кызматынан билдиргендей, Кыргыз жарандарына юридикалык жардам көрсөтүлдү.

"25-26 августта Шереметьево аэропортуна элчиликтин кызматкерлери барып таксисттер менен жолугушуу жүргүзүштү. Сүйлөшүү учурунда "Вымпел Центр" жеке менчик ишканасынын күзөтчүлөрү менен айдоочулардын ортосундагы мушташ тууралуу толук маалымат алынды. Жыйынтыгында жеке менчик ишкананын жетекчилигине окуяны калыс иликтөө боюнча расмий кайрылуу жөнөтүлдү. Ал эми Кыргыз жарандарына юрдикалык жардам көрсөтүлдү. Учурда тергөө иштери жүргүзүлүп жатат", - дейт маалымат кызматынан.

Элчиликтен кошумча маалымат берилери айтылды.

Шереметьево аэропортунда кыргыз айдоочулары менен күзөтчүлөрдүн ортосундагы жаңжал тууралуу видео тарап, анда окуя 23-августта болгону айтылган.