Ошто бычактан жаракат алган Талгат Сатыбалдиев премьер-министрдин жээни эмес

“Ош шаарындагы Сулайман тоодо болгон урушта жаракат алган 24 жаштагы Талгат Сатыбалдиев премьер-министр Жантөрө Сатыбалдиевдин жээни” деген маалымат жалган. Бул тууралуу укук коргоо органдарындагы өздүк булагыбыз билдирди. Жаракат алган жаран менен премьер-министрдин фамилиялары гана окшош. Белгилүү болгондой, окуя 7-августта саат 03:30 чамасында болгон. Аталган тоодо сүйлөшкөн кызы менен эс алып жүргөн жигитке 18-20 жаштардагы 5-6 жигит келип тийишип, анын бутуна бычак сайып салышкан. Жабырлануучу ооруканада, учурда абалы жакшы экендиги, кылмышка шектүү жарандар изделип жаткандыгы айтылды.