Депутат Чыныбай Турсунбеков: "Мугалимдердин айлыгын көтөрүү талабы көп күндөн бери коюлуп турат". КҮНСОБОЛ

Өкмөт башчы Мухаммедкалый Абылгазиев 23-августта Чолпон-Ата шаарында мугалимдердин август кеңешмесинде октябрь айынан тарта мугалимдердин айлыгы 30 пайызга чейин көтөрүлө турганын айткан. Ал "буга чейин 12 миң сом айлык алып келген мугалимдер 18 миң сомго чейин алат" деп билдирген.

Мындан улам SUPER.KG порталы "Премьер "1-октябрда мугалимдердин айлыгы 30 пайызга көтөрүлөт" деди. Бул күзүндө өкмөт алмашпайт жана өкмөт шайлоого даярдыкты баштады дегенди билдиреби?" деген собол салды.

Жогорку Кеңештин депутаты Чыныбай Турсунбеков өкмөт алмашышын кырдаал чече турганын айтты. "Өкмөттүн алмашышын кырдаал чечет. Мугалимдердин айлыгын көтөрүү талабы көп күндөн бери коюлуп турат. Бул жакшы жышаан", - дейт Турсунбеков.