Президент Сооронбай Жээнбеков Казакстандын Кыргыз мамлекетиндеги элчиси Карим Кокрекбаевди кабыл алды

Бүгүн, 29-августта президент Сооронбай Жээнбеков Казакстандын Кыргыз Республикасындагы элчиси Карим Кокрекбаевди анын өлкөдөгү дипломатиялык миссиясынын аякташына байланыштуу кабыл алды. Бул тууралуу президенттик аппараттын басма сөз кызматынын билдирди.

Маалыматка ылайык, мамлекет башчысы Карим Кокрекбаевдин Кыргыз мамлекетиндеги жемиштүү ишмердигин белгилеп, анын эки мамлекеттин ортосундагы стратегиялык өнөктөштүк, союздаштык, бир туугандык жана ынак коңшулаштык мамилелерди бекемдөөгө кошкон салымын белгиледи.

Сооронбай Жээнбеков Карим Кокрекбаевге бардык жакшылыктарды жана мындан аркы ийгиликтерди каалады.

Карим Кокрекбаев жолугушууга ыраазычылык билдирип, Кыргыз мамлекетиндеги дипломатиялык ишмердигин жүргүзүүдө боордош элдин жана өлкөнүн жогорку жетекчилигинин колдоосун сезгенин белгиледи.

Ал эки өлкөнүн ортосундагы мамилелерин бекемдөөгө болгон билимин жана тажрыйбасын колдонгонун белгиледи.