Караколдогу Жапайы жаныбарларды коргоо борбору жаңы жаныбарлар менен толукталды

Бүгүн, 7-августта Ысык-Көл облусунун Каракол шаарында жайгашкан Жапайы жаныбарларды коргоо борборуна жаңы жаныбарлар алынып келинди. Маалыматка ылайык, зоопаркка Казакстандан темгилдүү бугунун музоосу, понинин ургаачысы жана 2 каман алынып келинди. 

Жапайы жаныбарларды коргоо борбору деп аталган Кыргызстандагы бул зоопарк 1987-жылы түзүлгөн. Бүгүнкү күндө зоопаркта сүлөөсүн, макака, аюу, карышкыр, лама, Пржевальский жылкысы, бир жана эки өркөчтүү төөлөр, лань (эликтин бир түрү), бүркүт, тоос, ак куу, өрдөк жана башка жаныбарлар бар.