Кытайдын опера театрынын артисттери Кыргыз Республикасынын мамлекеттик сыйлыктары менен сыйланды

Кытайдын Борбордук опера театрынын бир катар артисттерине Кыргыз Республикасынын мамлекеттик сыйлыктары берилди. Алар Кыргыз Республикасы менен Кытай Эл Республикасынын ортосундагы стратегиялык өнөктөштүк мамилелерди тереңдетүүгө, достук байланыштарды бекемдөөгө жана улуттук маданияттарды өз ара байытууга, "Манас" эпосун жайылтууга кошкон салымы үчүн сыйланды.

"Даңк" медалы менен:

Ли Шуан - Кытай Эл Республикасынын Борбордук опера театрынын солисти;

Юй Цзинжэнь - Кытай Эл Республикасынын Борбордук опера театрынын солисти;

Яо Хун - Кытай Эл Республикасынын Борбордук опера театрынын солисти.

Кыргыз Республикасынын Ардак грамотасы менен:

Го Чэнчэн - Кытай Эл Республикасынын Борбордук опера театрынын солисти;

Гэн Чжэ - Кытай Эл Республикасынын Борбордук опера театрынын солисти.