Декларация: Вице-спикер Асия Сасыкбаева 2012-жылы 1 миллион сомдон ашык киреше тааптыр

Вице-спикер Асия Сасыкбаева 2012-жылы 1 147 270 сом тааптыр. Тапшырган декларациясына ылайык, эл өкүлүнүн 190 чарчы метрди ээлеген бир батири, 60 чарчы метрди ээлеген дагы бир батири жана 90 чарчы метрди ээлеген бир үйү бар экен. Ошондой эле Депутатка таандык 1998-жылы чыгарылган Ауди А4 үлгүсүндөгү унаасы бар. Декларацияда Сасыкбаева туугандарына тиешелүү мүлктөр жана алардын тапкан кирешелери тууралуу маалымат берген эмес.